عن مبادرة إبنى شقتك

لما تروح تشتري شقة 100 متر بـ 400 ألف جنيه وتعرف أن سعر التكلفة الحقيقية 150 ألف جنية بس يعني بزياده حوالي ربع مليون جنيه يبقى أكيد في حاجه غلط

وعشان إحنا عارفين التكلفه الحقيقية دي فكرنا نعمل حاجه نساعد بيها الناس ونوعيهم عشان نواجه جشع التجار و المستثمرين لأن المشكلة هتزيد طول ما الناس مش فاهمة إزاي تحسب التكلفة الحقيقية للشقة

إحنا في مبادرة ابني شقتك بنحاول نعمل اللي علينا وننشر الفكرة عشان نحل المشكلة دي

طيب بنساعد الناس إزاى ؟؟

بدأنا نجمع الناس ونشوف الأماكن اللي حابين يبنوا فيها ونعرفهم التكلفة الحقيقيه للأرض و الإنشاءات وفي اول سنه للمبادرة قدرنا نوصل لـ 10 مشاريع على أرض الواقع وده طبعا كان بسبب ثقه الناس وتشجيعهم لينا

هدف مبادرة إبنى شقتك

حل ازمة الاسكان في مصر عن طريق انتشار الفكرة في كل مكان في مصر و توعيه الناس و مساعدتهم في امتلاك شقة بثمن التكلفة وبدون الخضوع لجشع التجار

 

مهمة مبادرة إبنى شقتك

المبادرة لا تطمح للربح المادي ولكن شغلها الشاغل نشر الفكرة وتطويرها وتطبيقها ومساعده كل الراغبين في تنفيذها وتشجيعهم ووضعهم على الطريق الصحيح لحل ازمة الاسكان في مصر 

م. رامى فارس

مؤسس مبادرة إبنى شقتك يشرح فكرة المبادرة